Էշը համեստ կենդանի է, աշխատասեր:
Համենայնդեպս, էդ կենդանուն ես այդ որակներով եմ ճանաչել:
Բայց էշը նաեւ կող ունի, եթե նրան իր ուժերից վեր աշխատանքի են լծում: Էդ դեպքերում էդ խեղճ կենդանին ընդվզում է,
ասում է` ինձ մի օգտագործեք այլ աշխատանքում, մանավանդ` ինտելեկտուալ:Հայասատանում էշն այլեւս հասարակ անուն չէ` Էշ է:
Ու հիմա էս կենդանու մասին խոսելը, անմեղ խոսելը վտանգավոր է, որովհետեւ մեզանում այլեւս Էշը քաղաքական կատեգորիա է:
Երբեք
չեմ պատկերացրել, որ էդ անմեղ կենդանին իր արոտը կթողնի, իր անմեղությունն
ու կուսությունը` նույնպես, ու քաղաքականություն կմտնի:
Հայաստանում հիմա էշն այլեւս հեզության ու աշխատասիրության խորհրդանիշ չէ:
Անլեզու կենդանի էլ չէ, քաղաքական կատեգորիա է, զոռբայության սիմվոլ:
( արձագանք )
Ես երեք Վանո եմ ճանաչում ու բոլորին էլ շատ սիրում եմ:
( իմ Վանոն )
Եթե անկեղծ ասեմ, քաղաքապետարանի աշխատանքն ինձ չէր ձգում ու ԱԺ-ից քաղաքապետարն էի տեղափոխվել միայն նրա համար, որ չնեղացնեմ ավագ ընկերոջս՝ քաղաքապետ նշանակված Ալբերտ Բազեյանին:
Էնպես որ՝ պատահական չէր, որ առիթը բաց չէի թողնում խորհրդարանի շենք գնալու համար:
Էդ չարաբաստիկ օրն էլ խորհրդարան էի գնացել՝ ժամը 3-ի կողմերը…
4 անց կես սկսվում էր կառավարության հետ հարցուպատասխանը:
Ընդմիջման ավարտին խորհրդարան մտավ վարչապետ Վազգեն Սարգսյանը: Ֆոեյում մեկ-երկու բառ փոխանակեցինք…Ինչ իմանայի, որ դա իմ վերջին հանդիպումն է մեր ժամանակների ամենաականավոր գործիչներրից մեկի հետ:
Գիտեի, որ Վազգենը չի սիրում, որ գործի ժամանակ պետական ծառայողն այլ տեղ թրեւ է գալիս ու հեռացա խորհրդարանի շենքից:
Իմ ծառայողական մեքենայով քաղաքապետարան էի գնում, երբ ընկերներիցս քաղաքագետ վահե Հովհաննիսյանը զանգեց եւ խնդրեց իր գրասենյակ անցնել:
Գրասենյակն «Անի» հյուրանոցի մոտ էր:
Քաղաքապետարան չէի շտապում, որովհետեւ Աբոն էդ օրը տեղում չէր, կաթողիկոսական ընտրություններին էր մասնակցում:
Վահեի հետ մի-մի բաժակ բան խմեցինք, ասում-խոսում էինք, ռադիոյով էլ ԱԺ նիստն էր ընթանում:
Մեկ էլ ռադիոյով կրակոցի ձայներ լսվեցին… ականջներիս չհավատացի:
Զանգեցի պատգամավոր ընկերներիս , ոչ մեկ հեռախոսը չէր պատասխանում…
Տագնապս գնալով մեծացավ:
Հասմիկը՝ Բազեյանի քարտուղարուհին, զանգեց ու շտապ քաղաքապետարան կանչեց:
5 անց կես էր, որ հասա գործի տեղը, Բազեյանն արդեն Էջմիածնից էկել էր:
Մտա մոտը, անհանգիստ շարժումներ անելով՝ ծխում էր ու շրջում աշխատասենյակում:
«Սուրեն, Վազգենին խփել են»,- մի կերպ ասաց նա:
Լսածիս չհավատացի…չի կարող պատահել…
Վազգենը մեռնել չէր կարող, նա տեղով Անպարտության խորհրդանիշ էր…
Գնացինք խորհրդարանի շենք, շոկի մեջ էի, չէի հասկանում՝ ինչ է կատարվում:
Երբեմն թվում էր, որ հեսա Վազգենը սենյակ է մտնելու, բոլորիս հանդիմանի, որ բան ու գործ թողած՝ մի սենյակում նստած անդադար ծխում-խոսում ենք:
…Բայց էդ օրը Վազգենն ըտենց էլ չեկավ, մեր վրա խոսացող չեղավ:
Բոլորիս որբությունը գնալով իրականություն էր դառնում:
Մի քանի օր հետո, Եռաբլուրում՝ Վազգենի թաղման օրը, հասկացա, որ ոչ միայն նրան ենք կորցրել, այլ՝ մեր պետությունը, որին հենց նոր հողին հանձնեցինք…
Նա մեռնում էր ու կյանքի վերջին րոպեներին հիշում էր, այն համարը, որով վերջին անգամ սրտատրոփ զանգել էր ու մնացել անպատասխան:
Դա նրա սիրած աղջիկն էր, որին այնքան ուզում էր տեսնել Ղարաբաղ գալուց առաջ:
( արծվի թռիչքը )
( հայրենասեր սպան )
( օրվա հարցը )
Ափսոսում եմ....
Կներես, որ չվստահեցի ավագ ընկերոջս:
Շնորհակալ եմ, որ ինձ վերադարձրեցիր
իմ ազգային արժանապատվությունը:
Իմ մեծ ու թանկագին ընկեր.....
Էս փորձությունը փորձանք դարձավ, բաժանումը` անտակ մի ծով:
( կարոտ )
Խավարի մեջ իմ լույսն եմ փնտրում:
( իմ Գայանեն )
Մարդը որոշել է մեծ քաղաքականություն վերադառնալ:
( Ռոբն ու արյունը )
Պահեք ՎԱԶԳԵՆԻ տեասկը:
Գրառումներիցս մեկում կարծիք եմ հայտնել, որ Նիկոլայ Ռիժկովը արժանի չէ ՀՀ Ազգային հերոսի կոչմանը:
Ընթացքում այլ մարդիկ որոշակի վերապահումներ հայտնեցին նաեւ այլ հերոսների հանդեպ:
Ազգային հերոսի ինստիտուտը շատ կարեւոր է որեւէ պետության կյանքում եւ, ի թիվս այլ հարցերի, բացահայտում է այդ պետության, ժողովրդի արժեքային համակարգը, կողմնորոշումնրը:
Օրինակ, բլոգային ընկերներիցս ոմանք առաջարկում էին դիմել Հանրապետության նախագահին՝ գալիք տոնի առթիվ Լեոնիդ Ազգալդյանին ազգային հերոսի կոչում շնորհելու առաջարկով: Այդ առաջարկն իմ համար միանգամայն ընդունելի է:
Ստորեւ ներկայացնում եմ ՀՀ Ազգային հերոսների ցանկը.
( ՀՀ Ազգային հերոսները )
Արդեն նշեցի, որ վերը բերված ցուցակում իմ ընկալումներին չի համապատասխանում միայն Ռիժկովը:
( օրվա հարցը )
( Կառուցենք եւ Պաշտպանենք )
Profile
![[info]](http://l-stat.livejournal.com/img/userinfo.gif?v=92.1)
surenyants- surenyants
Syndicate
